YWBNW

Sumilire samirana

Karasa tembus ing dhadha

Trang cahya sandyakala

Endah amadhangi jiwa

Ing rasa sajroning rasa

Rinasa sansaya nelangsa

Ngrasakke kahanan iki

Ra krasa nganti mbrebes mili

Nanging yen wus prapteng ratri

Cahya candra sumunar ndadari

Kartika sumebyar ing tawang

Kadulu elok yen sinawang
Ana pepadhang sajroning pepeteng
Kinaryo husada

Rasa panelangsa sirna ilang wus ra ana

Yo wiz ben ngene wae aku trima

Candra lumaksita ratri gumanti rahina

Cahya bagaskara madhangi bawana

~ywbnw~